Da mmìenzu la vìja … 

-          Cùma Trisi’, ghéggiu pérsa la gaddìna jànga, vìdi si si fùssidi ammasunòata sùtta lu lìettu tua!  

Da la finésta …  

-          Cùma Mari’ mò ci déavu n’ùocchji … -  

Si ni tràsi … e dòppu nu pòcu s’adànza …  

-          Cùma Mari’, tàndu mòali, … di gaddìni jànchi màngu l’addùru, … li mìja sù ttùtti paduvòani rùssi! -  

N’àtu pàssu di vìja …  

-          Cùma Rusi’ … cùma Rusi’! … -  

S’adànza da na purtédda la muglièri di màstu Frangìscu lu furgiòaru … tùtta rùssa mbàcci.   

-          Chi ghè? -  

-          La gaddìna mìja nun s’è ricòta stasìra! … Curusòa’ si ghè cu li gaddìni tua! …  

-          Ghìju stéavu mbrucinéata cu lu fùornu, ma mo’ ru dìcu ànna guagnùna chi béadi a bbì. … - .  

Si spòriji e grìdad’ ànna figlia chi ppazzìjadi cchjù bbàsciu cu li cumbagnéddi:  

-          Ganni’, và spìa ànnu carafùorchju si c’è la gaddìna di Cùma Marìja cu li nòsti! … -  

-          Aaah! Mo’ nun ci véavu! … Stéamu mbasténnu la pizzàtula! -  

Rusìna s’accosta la méanu mmùcca e, muzzichénnusi lu jìditu di nàndi, r’amminàzza.  

-          Aah! Cca ti vod’accìdi nu làmbu! Movìti e ruppitìra na gàmma! … -  

Afforza affòrza Gannìna làssa la cumbagnìa e bbéadi a bbì … .  

-          Ma’, … nun c’è. -  

-          Cummòari mia, vidi cchjù nnàndi! -  

Cùma Marìa fèa’ lu gìru di tùtti li vicìni, … ma la gaddìna nun si tròva!  

Lu jùornu appìersu na pìnna jànga sbulàzza pi la vìja … . Adanzéata ànna finésta, cùma Marìa, cu bbòci sc’quigliéndi:  

-          Ri vo’ gghjì di tùossicu e di vilénu … ca si vòdi mbìngi jìnda li stindìna fin’a sc’cattéa’! … -  

Nu finistìeddu di fròndi si chjùdi sénza féa’ rumùri.